وفاقی بجٹ کی آمد سے پہلے اسد عمر کا استعفی ناقابل سمجھ ہے: بلاول بھٹو

بلاول بھٹو فائل فوٹو بلاول بھٹو

چیرمین پیپلز پارٹی بلاول بھٹو زرداری نے کہا کہ حکومت ہمارے وزیر اور مشیر لگاکر تسلیم کررہی ہے کہ پیپلز پارٹی ہی ملک چلاسکتی ہے۔

کراچی میں میڈیا سے گفتگو کرتے ہوئے پیپلز پارٹی کے چیرمین بلاول بھٹو زرداری نے کہا کہ وفاقی بجٹ کی آمد سے پہلے اسد عمر کا استعفی ناقابل سمجھ ہے، اگر آئی ایم ایف کے پاس جانا تھا تو پہلے کیوں نہیں گئے ہمارا وقت کیوں ضائع کیا۔

بلاول بھٹو زرداری کا کہنا تھا کہ یہ ہمارے وزیر اور مشیر لگا کر تسلیم کر رہے ہیں کہ پیپلز پارٹی ہی ملک چلاسکتی ہے، کچھ سازشی عناصر کٹھ پتلی حکومت بنا کر عوام کے حقوق چھیننا چاہتے ہیں، اٹھارویں ترمیم ختم کرکے سب کچھ مرکز منتقل کرنے کی سازش ہے، لیکن یہ سازشیں ناکام ہونگیں، این آئی سی وی ڈی، جے پی ایم سی اور این آئی سی ایچ میں مفت علاج ہوتا ہے، اسی لیے وہ یہ اسپتال بھی ہم سے چھین رہے ہیں۔

بلاول بھٹو زرداری نے مزید کہا کہ حکومت دہشت گردوں سے لڑنا چاہتی تو پہلے ان کے حامی وزرا کو باہر کیا جائے، یہ وزرا دہشت گردوں کی مدد سے انتخابات میں کامیاب ہوئے، میری کسی وزیر سے ذاتی دشمنی نہیں، صرف ملک کی بہتری چاہتا ہوں۔

install suchtv android app on google app store