اپوزیشن لیڈر قومی اسسمبلی شہباز شریف کو آج سب جیل سے رہا کیا جائے گا۔
لاہور ہائیکورٹ کی جانب سے آشیانہ ہاؤسنگ اسکیم اوررمضان شوگر ملزمیں ضمانت منظوری کے بعد اپوزیشن لیڈرشہبازشریف کوآج ’سب جیل‘ سے رہا کیا جائے گا۔
شہبازشریف کا ذاتی سیکیورٹی اسٹاف لاہورسے منسٹرکالونی پہنچ گیا ہے جب کہ سب جیل حکام کو شہبازشریف کی ضمانت پررہائی کے لئے عدالتی روبکار کا انتظارہے۔
رہائی کے ساتھ ہی منسٹر کالونی میں شہبازشریف کے گھر کو دیا گیا سب جیل کا درجہ ختم ہوجائے گا جب کہ وہ منسٹرانکلیو سب جیل سے رائے ونڈ جائیں گے اوراپنی والدہ سے ملاقات کریں گے۔
گزشتہ روزلاہور ہائیکورٹ نے آشیانہ ہاؤسنگ اسکیم اور رمضان شوگر ملز میں سابق وزیراعلیٰ پنجاب شہباز شریف کی ضمانت منظور کرتے ہوئے انہیں فوراً رہا کرنے کا حکم دے دیا تھا۔
