کسی کو بھی این آر او نہیں ملے گا: شیخ رشید

شیخ رشید فائل فوٹو شیخ رشید

شیخ رشید کا کہنا تھا کہ نواز شریف اور آصف زرداری کو این آر او نہیں ملے گا، میں پی اے سی کا رکن بن چکا ہوں، علیم خان کی گرفتاری پر حکومت نے احتجاج نہیں کیا۔

وفاقی وزیر ریلوے شیخ رشید نے پریس کانفرنس سے خطاب کرتے ہوئے کہا کہ شاہد خاقان عباسی کو نیب نے بلایا وہ ملک سے باہر ہیں، وزیراعظم کو کہا شہباز شریف چیئرمین پی اے سی منظور نہیں، ان کے خلاف تحریک عدم اعتماد لائی جائے۔ انہوں نے کہا بلاول بھٹو سے صلح ہوگئی ہے، ان کی ساری بیماریاں فراری کی بیماریاں ہیں، ان کو اتفاق فاؤنڈری کے ہسپتال میں رکھا جائے تو ٹھیک ہو جائیں گے، قطری سے پتھری تک کی سیاست دفن ہونے جا رہی ہے۔

شیخ رشید نے کہا ہے کہ سابق حکومت نے ریلوے میں تباہی اور بربادی کی، 12 فروری کو وزیراعظم تھل ایکسپریس کا افتتاح کریں گے، 30 مارچ کو پہلی وی آئی پی ٹرین لاہور سے کراچی جائے گی۔ انہوں نے کہا نارووال سٹیشن پر 5 ارب لگا دیئے گئے، کراچی اور لاہور اسٹیشن پر 2 روپے بھی نہیں لگے، کرتار پور سے ننکانہ تک ٹرین چلانا چاہتے تھے، وفاقی کابینہ نے ٹرین چلانے کی اجازت نہیں دی، ٹکٹ کے بغیر سفر کرنیوالوں میں 70 فیصد کمی آئی۔

install suchtv android app on google app store