آرمی چیف جنرل قمر باجوہ نے چین میں اپنے ہم منصب سے ملاقات کی اور سی پیک کی سیکیورٹی سمیت دیگر امور پر تبادلہ خیال کیا۔
ڈی جی آئی ایس پی آر میجر جنرل آصف غفور کے مطابق آرمی چیف جنرل قمر جاوید باجوہ اتوار کو تین روزہ سرکاری دورے پر چین پہنچے۔ آج انہوں نے بیجنگ میں چینی فوج ’ پیپلز لبریشن آرمی (پی ایل اے)‘ کے ہیڈ کوارٹر کا دورہ کیا جہاں انہیں گارڈ آف آنر پیش کیا گیا۔
COAS met PLA Chief. Regional security environment, security of CPEC and bilateral security cooperation discussed. Chinese Gen expressed his keen desire to benefit from Pakistan Army’s combat experience and also expand bilateral cooperation. pic.twitter.com/E5K2DdshMD
— Maj Gen Asif Ghafoor (@OfficialDGISPR) September 17, 2018
جنرل قمر باجوہ نے اپنے چینی ہم منصب سے ملاقات کی جس میں خطے کی موجودہ صورتحال، پاک چین اقتصادی راہداری اور دوطرفہ سیکیورٹی معاملات پر بات چیت ہوئی۔
چینی فوج کے سربراہ نے دہشت گردی کے خلاف پاک فوج کی کارروائیوں اور سی پیک کو دی جانے والی اعلیٰ سطح کی سیکیورٹی کو سراہا۔ انہوں نے پاک فوج کے تجربات سے استفادہ کرنے اور باہمی تعاون میں مزید اضافے کی خواہش کا بھی اظہار کیا۔
