پاکستان تحریک انصاف کے چیئرمین عمران خان نے کہا ہے کہ شریف خاندان نے نیب اور اعلیٰ عدلیہ کو دھمکیاں دینی شروع کردی ہیں۔ عوام اب ان کی ڈکٹیٹر شپ اور فرعونیت کو قبول نہیں کرے گی۔
سماجی رابطے کی ویب سائٹ ٹوئیٹر پر اپنے پیغام میں چیئرمین تحریک انصاف عمران خان نے کہا ہے کہ اربوں روپے کی کرپشن ظاہر ہونے کے بعد شریف خاندان نے نیب اوراعلیٰ عدلیہ کو دھمکیاں دینی شروع کردی ہیں، یہ عمل انتہائی شرمناک اور ناقابل قبول ہے۔
— Imran Khan (@ImranKhanPTI) January 22, 2018
انہوں نے مزید کہا ہے کہ عوام گذشتہ 30 برس سے جاری شریف فیملی کی ڈکٹیٹر شپ اور فرعونیت کو اب مزید قبول نہیں کریں گے۔
