پاکستان تحریک انصاف کے چیئرمین عمران خان کا کہنا ہے کہ نواز شریف چاہتے ہیں کہ عدالت اُن کی نااہلی کا فیصلہ واپس لے انہوں نے عدلیہ پر حملہ آور ہونے کے لیے مہم شروع کررکھی ہے۔
سماجی رابطے کی ویب سائٹ ٹوئٹر پر ٹوئٹ میں عمران خان نے سابق وزیر اعظم پر تنقید کرتے ہوئے کہا کہ نوازشریف کے جلسوں کے پیچھے ان کا مقصد ثابت ہوگیا، نواز شریف چاہتے ہیں کہ عدالت اُن کی نااہلی کا فیصلہ واپس لے اسی وجہ سے نواز شریف عوامی دباؤ پیدا کرنے کی کوشش کررہے ہیں۔
Now the motive behind NS's public mtgs has become evident with his declaration that the SC will have to take back their decision on his disqualification. He is seeking to build public pressure & in the process has let slip the fake sincerity in his desperate cry:Mujhe kyun nikala
— Imran Khan (@ImranKhanPTI) January 21, 2018
عمران خان کا ایک اور ٹوئٹ میں کہنا تھا کہ نوازشریف کا مسٔلہ ہے کہ انہوں نے ہمیشہ اپنے امپائروں کے ساتھ کھیلا ہے، سپریم کورٹ کے فیصلے نے نواز شریف کودھچکا پہنچایا ہے، جب کہ نواز شریف جسٹس قیوم جیسا جج چاہتے ہیں جن پروہ اپنی مرضی کے فیصلوں کے لیے اثر انداز ہوسکیں سپریم کورٹ کے فیصلے کے بعد نواز شریف عوامی دباؤ بڑھانا چاہتے ہیں۔
NS's problem is he has always played with his own umpires and wanted a judge like Justice Qayyum whom he could influence on writing a judgement. Hence SC decision traumatised him and has led him to carry out a campaign attacking the country's superior judiciary. https://t.co/BE69OJHbpc
— Imran Khan (@ImranKhanPTI) January 21, 2018
عمران خان کا مزید کہنا تھا کہ سپریم کورٹ کے فیصلے سے نواز شریف کو صدمہ پہنچا ہے اور انہوں نے اعلیٰ عدلیہ پر حملہ آور ہونے کے لیے اپنی قیادت میں عوامی مہم شروع کررکھی ہے۔
