وفاقی وزیر خزانہ اسحاق ڈار کے خلاف اثاثہ جات ریفرنس کی سماعت آج پھر ہوگی۔ نیب کی جانب سے ملزم کو اشتہاری قرار دینے کی درخواست پر غور ہوگا۔
وفاقی وزیر خزانہ اسحاق کے خلاف اثاثہ جات ریفرنس کی سماعت آج ہوگی۔ان کے خلاف آمدن سے زائد اثاثہ جات کے ریفرنس کی تیرہ سماعتیں ہوچکی ہیں۔
اسحاق ڈار سات بار حاضرہوئے اور پانچ مرتبہ غیر حاضر، اسی بنا پر ان کے وارنٹ گرفتاری بھی کئے جا چکے، اسحاق ڈار کی جانب سے میڈیکل رپورٹس بھی جمع کرائی گئیں کہ وہ بیمار ہیں۔ مگرعدالت نے میڈیکل رپورٹس کو مسترد کرتے ہوئے حاضری سے استثنا کی درخواست بھی خارج کردی۔
عدالت کی طرف سے کہا گیا کہ اسحاق ڈار ایک بار پیش ہوں پھر اس درخواست کو زیر غور لائیں گے۔
