بھارتی فوج نے لائن آف کنٹرول پر ایک بار پھر بلااشتعال فائرنگ اور گولہ باری کا سلسلہ شروع کردیا ہے، بھارتی فوج وادی لیپہ کے مختلف علاقوں کو نشانہ بنارہی ہے جس کے نتیجے میں دو خواتین شہید جبکہ چار افراد زخمی ہوگئے ہیں۔
گولہ باری اتنی شدید ہے کہ اس کے باعث لوگ زیر زمین پناہ گاہوں میں چلے گئے ہیں جبکہ پاک فوج کی جانب سے بھارتی اشتعال انگیزی کا بھرپور جواب دیا جارہا ہے۔
درندہ صفت بھارتی فوج شہری آباد کو نشانہ بنارہی ہے۔ دوسری طرف پاک فوج نے دشمن کو منہ توڑ جواب دیا ہے جس کے بعد بھارتی بندوقیں خاموش ہوگئی ہیں۔
