سابق وزیراعظم میاں نوازشریف کی اہلیہ کلثوم نواز اسپتال سے گھر منتقل ہوگئیں۔
کلثوم نواز کو برطانوی ڈاکٹروں نے بلڈ کینسر تشخیص کیا ہے جس کے علاج کے لیے وہ ان دنوں لندن میں موجود ہیں جہاں کل ان کی سرجری بھی ہوئی تھی جب کہ اپنی اہلیہ کی تیمارداری کے لیے نوازشریف بھی ان کے پاس ہیں۔
حسین نواز کے صاحبزادے زید حسین نواز نے کلثوم نواز کے گھر پہنچنے کی تصدیق سماجی رابطے کی ویب سائٹ ٹوئٹر پر کی۔
Back home alhamdulilah! Thank you for the ongoing prayers and Eid Mubarak to everyone❤️#KulsoomNawaz pic.twitter.com/lfE4fjML2o
— Zayd Hussain Nawaz S (@zayd280) September 1, 2017
اپنی ٹوئٹ میں زید حامد نے لکھا ’الحمداللہ ہم گھر واپس پہنچ گئے ہیں‘۔
انہوں نے کہا کہ دادی کے لیے دعاؤں پر سب کا شکریہ ادا کرتا ہوں جب کہ انہوں نے سب کو عید کی بھی مبارکباد دی۔
مزید جانئیے: کلثوم نواز کی لندن میں کامیاب سرجری، ذرائع
واضح رہے کہ لاہور کے حلقہ این اے 120 کے ضمنی انتخاب میں کلثوم نواز مسلم لیگ (ن) کی امیدوار ہیں اور ان کی انتخابی مہم مریم نواز چلارہی ہیں۔