وزیر مملکت مریم اورنگزیب نے کہا ہے کہ جواب وزیراعظم کو دینا ہے، تکلیف پی ٹی آئی کو ہورہی ہے۔ بڑے لوگوں کا کام معاف کرنا اورنادان لوگوں کا کام غلطی دہرانا ہے۔
وزیر مملکت مریم اورنگزیب نے اسلام آباد میں میڈیا سے گفتگو کرتے ہوئے کہا ہے کہ وزیراعظم، شریف فیملی اوروزیر اعظم کے بچے عدالت میں سرخروہوئے۔ عمران خان کا خیال تھا کہ وزیراعظم 3نسلوں کا جواب نہیں دے سکیں گے۔
مزید جانئیے: نواز شریف کے پاس منصب پر رہنے کا کوئی اخلاقی جواز نہیں: خورشید شاہ
انہوں نے کہا کہ کمیشن وہی بنا جو وزیراعظم نے بنانے کو کہا تھا، انہوں نےسپریم کورٹ کوجے آئی ٹی بنانےکاخط ایک سال پہلے ہی لکھا تھا۔ وزیر اعظم کی جانب سےدستیاب تمام دستاویزات اور ریکارڈ عدالت میں جمع کرایا گیا، سپریم کورٹ نے تینوں پٹیشنز مسترد کردیں۔
وزیر اطلاعات نے کہا کہ الیکشن دھاندلی کافیصلہ آیاتو عمران خان نےرونا شروع کردیا۔ پاناما لیکس کےبعدان کوایک اور سیاسی بیساکھی ملی۔ وہ دھرنا کرتے ہیں اوراداروں کی تضحیک کرتے ہیں، اوئے کی سیاست اورآئینی اداروں کو متاثر کرنے کی سیاست ختم ہونی چاہیے۔
یہ بھی پڑھیں: جشن سرخرو ہونے کا تھا، اب اگر مگر ختم ہوجانا چاہیئے: مریم اورنگزیب
انہوں نے مزید کہا کہ قیامت کی نشانی ہےکرپشن پربات اورکرپشن کاعلم پیپلزپارٹی نےاٹھایا ہوا ہے۔
