امن دشمنوں کے خلاف سیکیورٹی فورسز کی کارروائی، پاک افغان سرحد پر دراندازی کی کوشش پر انڈین پراکسی فتنہ الخوارج کے تیس دہشت گرد جہنم واصل کر دیے گئے۔ قبضے سے سے بھاری مقدار میں اسلحہ، گولہ بارود اور دھماکہ خیز مواد بھی برآمد ،پاکستان کا عبوری افغان حکومت سے دہشت گردوں کے خلاف مؤثر کارروائی کا مطالبہ کیا گیا ہے۔
آئی ایس پی آر کے مطابق آپریشن کے دوران 30 بھارتی سرپرست یافتہ دہشتگردوں کو ہلاک کر دیا گیا، جو افغانستان سے پاکستان میں داخل ہونے کی کوشش کر رہے تھے
ان دہشتگردوں کا تعلق اس نیٹ ورک سے تھا جو بھارت کی پشت پناہی میں پاکستان کے خلاف کارروائیاں کرتا رہا ہے۔
ترجمان آئی ایس پی آر نے کہا کہ یہ کامیابی پاک فوج کے مستعد انٹیلی جنس نیٹ ورک اور جوانوں کی پیشہ ورانہ مہارت کا مظہر ہے۔
سیکیورٹی فورسز ہر قسم کے خطرے سے نمٹنے کے لیے ہمہ وقت تیار ہیں اور سرحدی خودمختاری کے تحفظ کے لیے ہر ممکن اقدام اٹھایا جائے گا۔
