عمران خان قانون سے تعاون کرنے کے بجائے مسلسل قانون شکنی کر رہے ہیں: مریم اورنگزیب

غیر ملکی میڈیا سے گفتگو کرتے ہوئے وفاقی وزیر نے کہا کہ عمران خان مسلسل جھوٹ بول رہے ہیں، ان کی گرفتاری سے حکومت کا کوئی تعلق نہیں۔

انہوں نے کہا کہ عمران خان پر کرپشن کے مقدمات ہیں جس پر انہیں گرفتار کر کےعدالت میں پیش کرنا ہے۔

وفاقی وزیر نے کہا کہ پولیس پر پیٹرول بموں سے مسلسل حملے ہو رہے ہیں، پولیس کے پاس کسی قسم کا کوئی اسلحہ نہیں۔

انہوں نے یہ بھی کہا کہ ڈی آئی جی آپریشنز لاہور سمیت 65 پولیس اہلکار زخمی ہوئے ہیں۔