عمران خان کب نااہل ہوں گے؟ منظور وسان نے پیشگوئی کردی

عمران خان کب نااہل ہوں گے؟ منظور وسان نے پیشگوئی کردی فائل فوٹو عمران خان کب نااہل ہوں گے؟ منظور وسان نے پیشگوئی کردی

پاکستان پیپلز پارٹی کے رہنما منظور وسان نے کہا ہے کہ پاکستان تحریک انصاف (پی ٹی آئی) چیئرمین عمران خان نااہل بھی ہوں گے اور جیل بھی جائیں گے۔

ایک بیان میں منظور وسان نے کہا کہ عمران خان آئندہ ماہ مارچ میں نااہل ہو جائیں گے اور پرانے کیس بھی کھل جائیں گے، وہ جب نااہل ہوں گے اور جیل جائیں گے تب ان کے پرانے ساتھی علیحدگی اختیار کریں گے۔

منظور وسان کا کہنا ہے کہ عمران خان جیل جانے سے ڈر رہے ہیں اسی لیے دوسرے رہنما بھی جیل نہیں جانا چاہتے، جیل بھرو تحریک چلانا کوئی آسان کام نہیں ہے۔

یہ بھی پڑھیں: عمران خان 4 مختلف مقدمات میں پیشی کیلئے اسلام آباد پہنچ گئے

انہوں نے کہا کہ جیل بھرو تحریک چلانے کے لیے سب سے پہلے خود کو گرفتاری دینی پڑتی ہے۔

صوبائی وزیر نے مزید کہا کہ ملک میں مہنگائی سے چھوٹے سرکاری ملازمین اور مزدور طبقہ کافی پریشان ہے، عمران خان دور میں ملک میں مہنگائی میں اضافہ ہوا۔

ان کا یہ بھی کہنا ہے کہ چھوٹےگریڈ کے سرکاری ملازمین کی تنخواہیں 70 فیصد بڑھائی جائیں، مزدوروں کی بھی مزدوری میں اضافہ کا اعلان کیا جائے۔

install suchtv android app on google app store