لیفٹیننٹ جنرل (ر) امجد شعیب کا 3 روزہ جسمانی ریمانڈ منظور

لیفٹیننٹ جنرل (ر) امجد شعیب فائل فوٹو لیفٹیننٹ جنرل (ر) امجد شعیب

اسلام آباد کی عدالت نے لیفٹننٹ جنرل ریٹائرڈ امجد شعیب کا 3 روزہ جسمانی ریمانڈ منظور کرلیا۔

لیفٹننٹ جنرل ریٹائرڈ امجد کو اداروں کے خلاف اکسانے کے الزام میں اسلام آباد کی ڈسٹرکٹ اینڈ سیشن کورٹ میں پیش کیا گیا۔ تھانہ رمنا پولیس اور پراسیکوٹربھی عدالت میں پیش ہوئے۔

پولیس نے 7 روزہ جسمانی ریمانڈ کی استدعا کی۔ عدالت نے لیفٹننٹ جنرل ریٹائرڈ امجد شعیب کا 3 روزہ جسمانی ریمانڈ منظور کرلیا۔ پراسیکیوٹر نے عدالت میں موقف اختیار کیا کہ لیفٹننٹ جنرل ریٹائرڈ امجد نے سرکاری ملازمین کو کام کرنے سے روکنے اوربغاوت پر اکسانے کی کوشش کی۔ ابھی مزید تفتیش کے لیے ملزم کی ضرورت ہے۔

لیفٹننٹ جنرل ریٹائرڈ امجد کے وکیل نے کہا کہ میرے موکل نے ایک مثال دی اس میں جرم والی کون سی بات ہے۔ کیس درج کرتے ہوئے پراسس کی خلاف ورزی کی گئی کافی عرصے سے لیفٹننٹ جنرل ریٹائرڈ امجد شعیب کو ہراساں کرنے کا سلسلہ جاری ہے۔

اسلام آباد میں تھانہ رمنا پولیس نے لیفٹیننٹ (ر) جنرل امجد شعیب کوان کی رہائش گاہ سے گرفتارکیا تھا۔ لیفٹیننٹ جزل ریٹائرڈ امجد شعیب پر عوام کو اداروں اور حکومت کے خلاف اکسانے کی دفعات کے تحت مقدمہ درج کیا گیا ہے۔ لیفٹیننٹ جزل ریٹائرڈ امجد شعیب پر اہف آئی آر مجسٹریٹ اویس خان کی مدعیت میں درج کی گئی ہے۔

 

install suchtv android app on google app store