وزیراعظم شہباز شریف کا دورہ ترکیہ ملتوی

شہباز شریف فائل فوٹو شہباز شریف

وزیراعظم شہباز شریف کی جانب سے دورہ ترکی ملتوی کردیا گیا ہے۔

تفصیلات کے مطابق ترکیہ میں زلزلے کے بعد امدادی سرگرمیاں بھرپور طریقے سے جاری ہے تاہم وزیراعظم شہباز شریف کا دورہ ترکیہ جاری امدادی سرگرمیوں کے باعث مؤخر کردیا گیا ہے۔

خیال رہے کہ وزیراعظم محمد شہباز شریف نے تباہ کن زلزلے سے بڑے پیمانے پر جانی و مالی نقصان پر ترک صدر رجب طیب اردوان سے تعزیت کے لیے آج دورہ ترکی پر روانہ ہونا تھا۔

اس حوالے سے وفاقی وزیر اطلاعات مریم اورنگزیب نے بتایا تھا کہ وزیراعظم شہباز شریف کے دورہ ترکیہ کے باعث اے پی سی موخر کی گئی، وزیراعظم کل صبح انقرہ روانہ ہوں گے۔

خیال رہے کہ ترک زلزلہ متاثرین کے لیے وزیر اعظم کا ریلیف فنڈباضابطہ طور پر قائم کر دیا گیا ہے جبکہ زلزلہ متاثرین کی امداد کے متعلق بات کرتے ہوئے شہباز شریف کا کہنا تھا کہ زلزلے کی تباہی سے نمٹنے میں پاکستان ترکیہ کی حکومت اور عوام کے ساتھ بھرپور تعاون کرے گا۔

install suchtv android app on google app store