وزیراعظم شہباز شریف کورونا کا شکار ہو گئے

شہباز شریف فائل فوٹو شہباز شریف

وزیراعظم شہباز شریف ایک بار بھر کورونا وائرس کا شکار ہو گئے ہیں۔

وفاقی وزیر اطلاعات مریم اورنگزیب نے وزیراعظم شہباز شریف کے کورونا وائرس میں مبتلا ہونے کی تصدیق کی۔

ٹوئٹر پر جاری بیان میں مریم اورنگزیب نے کہا کہ 2 روز سے طبیعت ناساز تھی، ڈاکٹر کے مشورے سے آج کورونا ٹیسٹ کروایا گیا، عوام اور کارکنان سے وزیراعظم کی جلد صحت یابی کی دعا کی اپیل ہے۔

اس موقع پر عوام سے اپیل کرتے ہوئے وزیر اطلاعات و نشریات نے کہا کہ عوام اور کارکنان وزیراعظم کی جلد صحت یابی کیلئے دعا کریں۔

واضح رہے کہ شہباز شریف اس سے قبل بھی دو مرتبہ کرونا وائرس میں مبتلا ہوچکے ہیں۔

پہلی بار گزشتہ سال 2021 جون میں شہباز شریف میں کرونا وائرس کی تشخیص ہوئی تھی جس کے بعد انہوں نے ماڈل ٹاؤن میں واقع رہائش گاہ پر خود کو قرنطینہ کرلیا تھا اور ڈاکٹروں کی ہدایت پر عمل کرتے ہوئے کچھ دنوں بعد صحت یاب ہوگئے تھے۔

دوسری بار رواں سال جنوری میں شہباز شریف دوسری بات کرونا وائرس میں مبتلا ہوئے تھے۔

subscribe YT Channel install suchtv android app on google app store