منی لانڈرنگ کیس: عدالت نے حمزہ شہباز کو ذاتی حیثیت میں طلب کرلیا

تفصیلات کے مطابق اسپیشل سینٹرل عدالت لاہور نے شہبازشریف اور حمزہ شہباز کے خلاف منی لانڈرنگ کیس کی گزشتہ سماعت کا تحریری حکم جاری کردیا۔

اسپیشل سینٹرل کورٹ کے جج اعجازاعوان نے 2 صفحات پر مشتمل تحریری حکم جاری کیا، جس میں کہا گیا کہ حمزہ شہبازکمر درد کے باعث پیش نہیں ہوئے۔

تحریری حکم میں کہا ہے کہ وکیل نے ان کی حاضری معافی کی درخواست دائر کی، وکیل کے مطابق ڈاکٹر نے حمزہ کو 4 سے 6 ہفتے کے آرام کا مشورہ دیا ہے۔

یہ بھی پڑھیں: منی لانڈرنگ ریفرنس میں شہباز شریف کو حاضری سے مستقل استثنیٰ مل گیا

عدالتی حکم میں کہنا تھا کہ حمزہ شہبازکی ایک روزہ حاضری معافی کی درخواست منظور کی جاتی ہے لیکن آئندہ سماعت پر حمزہ شہباز ذاتی حیثیت میں پیش ہوں۔

حکم نامے میں کہا ہے کہ وکیل امجد پرویز نے شہبازشریف کی بریت درخواست پر جزوی دلائل دیے، آئندہ سماعت پروکیل بریت کی درخواست پر مزید دلائل دیں۔