کوئٹہ سے کراچی کیلئے اڑان بھرنے والا ہیلی کاپٹر لاپتہ ہوگیا ہے، جس میں کور کمانڈر کوئٹہ سمیت دیگر افراد سوار تھے۔
پاک فوج کے شعبہ تعلقات عامہ( آئی ایس پی آر) کے مطابق پاکستان آرمی ایوی ایشن کا ایک ہیلی کاپٹر لاپتہ ہوگیا ہے، جس کی تلاش کیلئے سرچ آپریشن شروع کردیا گیا ہے۔ آئی ایس پی آر کے مطابق ہیلی کاپٹر بلوچستان کے علاقے لسبیلہ میں سیلاب سے متعلق امدادی کارروائیوں پر تھا کہ اس دوران کنٹرول ٹاور سے رابطہ منقطع ہوگیا۔
A Pakistan army aviation helicopter which was on flood relief operations in Lasbela, Balochistan lost contact with ATC. 6 individuals were on board including Commander 12 Corps who was supervising flood relief operations in Balochistan. Search operation is underway.DTF
— DG ISPR (@OfficialDGISPR) August 1, 2022
آئی ایس پی آر کا کہنا ہے کہ لاپتہ ہونے والے ہیلی کاپٹر میں کمانڈر 12 کور سرفراز علی سمیت 6 افسران میں سوار تھے۔
ذرائع کا کہنا ہے کہ ہیلی کاپٹر نے کوئٹہ سے اڑان بھری تھی اور گزشتہ 5 گھنٹے سے لاپتہ ہے۔
