وزیراعظم شہبازشریف کا کہنا ہے کہ وفاقی کابینہ نوازشریف اور اتحادیوں سے سے مکمل مشاورت سے بنائی ہے۔
اپنے ٹویٹر پیغام میں وزیراعظم نے لکھا کہ مجھے مکمل یقین ہے کابینہ کے ارکان لوگوں کی مشکلات حل کرنے کےلئے محنت کریں گے۔ کام کام اورصرف کام ہی ہمارا نصب العین ہے۔
Federal cabinet has been formed after thorough consultations with Mian Nawaz Sharif & coalition partners. It is my fervent hope that federal ministers, ministers of state & advisers will provide leadership & resolve the problems of the people. Work, work & only work is our motto.
— Shehbaz Sharif (@CMShehbaz) April 19, 2022
واضح رہے کہ آج وزیراعظم شہباز شریف کی 34 رکنی کابینہ نے عہدوں کا حلف اٹھا لیا ہے۔ کابینہ میں 30 وزراء، 4 وزرائے مملکت اور 3 مشیر شامل ہیں۔ قائم مقام صدر صادق سنجرانی نے نو منتخب کابینہ سے حلف لیا۔
حلف اٹھانے والوں میں ن لیگی رہنما خواجہ آصف، احسن اقبال، رانا ثنا اللہ، سعد رفيق شامل ہیں۔ پیپلزپارٹی کے خورشيد شاہ، نويد قمر، شيری رحمان، عبدالقادر پٹيل اور شازيہ مری کو وزارت میں شامل کیا گیا ہے۔ ايم کيو ايم کے امين الحق اور فيصل سبزواری، جب کہ ق لیگ کے رکن طارق بشير چيمہ کو بھی کابینہ میں شامل کیا گیا ہے۔