مسلم لیگ ن کی نائب صدر مریم نواز نے کہا ہے کہ جب ایک منتخب وزیر اعظم عوام میں نکلتا ہے تو شہر میں کرفیو نہیں لگا ہوتا۔
مسلم لیگ ن کی نائب صدر مریم نواز نے سماجی رابطے کی ویب سائٹ ٹویٹر پر لکھا کہ جب ایک منتخب وزیر اعظم عوام میں نکلتا ہے تو شہر میں کرفیو نہیں لگا ہوتا۔مریم نواز نے کہا کہ جب کسی نے عوام کی خدمت کی ہو یا کام کیے ہوتے ہیں تو وہ عوام سے مل کر محبتیں سمیٹتے ہیں عوام سے چھپ کر خالی دکانوں پر شوٹ نہیں کرنے پڑتے۔
جب منتخب وزیر اعظم عوام میں نکلتے ہیں تو شہر میں کرفیو نہیں لگا ہوتا۔ عوام کی خدمت کی ہوتی ہے، کام کیا ہوتا ہے اس لئیے عوام سے چھپ کر خالی دکانوں پر شوٹ نہیں کرنے پڑتے لوگوں سے مل کر محبتیں سمیٹیں جاتی ہیں۔ pic.twitter.com/pgXcsdi5LZ
— Maryam Nawaz Sharif (@MaryamNSharif) May 3, 2021
واضح رہے کہ گزشتہ روز وزیراعظم عمران خان نے اپنی گاڑی خود چلا کر اسلام آباد کے مختلف علاقوں کا دورہ کیا تھا اور احساس ریڑی بان پروجیکٹ، رمضان سستا بازار اور دیگر پروجیکٹس کا جائزہ لیا اور عوام سے گفتگو کرتے ہوئے ان کے تاثرات بھی سنے تھے۔
