بلوچستان کے صوبائی وزیر بلدیات صالح بھوتانی سے قلمدان واپس لے لیا گیا

بلوچستان کے صوبائی وزیر بلدیات صالح بھوتانی فائل فوٹو بلوچستان کے صوبائی وزیر بلدیات صالح بھوتانی

وزیراعلیٰ بلوچستان جام کمال نے صوبائی وزیر بلدیات سردار صالح بھوتانی سے قلمدان واپس لے لیا۔

صالح بھوتانی سے قلمدان واپس لینے کا نوٹیفکیشن جاری کردیاگیا ہے اور اب بلدیات کا محکمہ وزیر اعلیٰ بلوچستان کے پاس رہے گا۔

وزیراعلیٰ بلوچستان جام کمال اور صالح بھوتانی کے تعلقات کچھ عرصے سے سرد مہری کا شکار تھے۔

سردار محمد صالح بھوتانی نے انکشاف کیا ہے کہ وزیراعلیٰ بلوچستان جام کمال نے ان سے محکمہ بلدیات کا قلمدان لینے سے پہلے مشاورت کی اور نہ ہی اعتماد میں لیا۔

ان کا کہنا تھاکہ قلمدان واپس لینے کے بعد کی صورتحال کے حوالے سے پارٹی کے سینیئر ساتھیوں سے رابطے میں ہوں، ساتھیوں اور دوستوں سے مشاورت کے بعد آئندہ کے لائحہ عمل کا فیصلہ اور اعلان کروں گا۔

install suchtv android app on google app store