نقیب قتل کیس، راؤ انوار کا گن مین علی رضا گرفتار

نقیب قتل کیس، راؤ انوار کا گن مین علی رضا گرفتار فائل فوٹو

نقیب قتل کیس میں  راؤ انوار کے گن مین علی رضا کو حراست میں لے لیا گیا ہے.

تفصیلات کے مطابق ایس ایس پی ملیر راؤ انوار کے گن مین کو کوئٹہ سے گرفتار کیا گیا ہے جس کے بعد مفرور پولیس افسر کی گرفتاری کے امکانات بھی روشن ہو گئے ہیں۔

ذرائع کے مطابق ایس ایس پی ملیر کے گن مین کو کوئٹہ فرار ہوتے ہوئے گرفتار کیا گیا ہے جو راؤ انوار کے جعلی مقابلوں کا چشم دید گواہ بھی ہے اور نقیب کیس میں مدد گار بھی ثابت ہوسکتا ہے۔

ذرائع کا کہنا ہے کہ نقیب اللہ قتل کیس میں کراچی کے مختلف علاقوں سے مزید 2 افراد کو گرفتار کیا گیا ہے جب کہ ایس ایس پی ملیر راؤ انوار کے گن مین علی رضا کی گرفتاری مثبت پیشرفت ہے۔

یاد رہے نقیب اللہ محسود کو 3 جنوری 2018 کو دو دوستوں حضرت علی اور قاسم کے ہمراہ سہراب گوٹھ کے علاقے سے حراست میں لیا گیا تھا تاہم 6 جنوری کو نقیب اللہ کے دونوں ساتھیوں کو رہا کردیا گیا لیکن 13 جنوری کو نقیب اللہ کو پولیس مقابلے میں ہلاک کردیا گیا تھا۔

install suchtv android app on google app store