کورونا وائرس: بلڈ کینسر کی دوا مریضوں کے لیے موثر ثابت؟ اہم خبر نے سب کو چونکا دیا

کورونا لیب فائل فوٹو کورونا لیب

برطانوی دوا ساز کمپنی آسٹرازینیکا کی بلڈ کینسر کی دوا کی کورونا مریضوں پر آزمائش کی گئی جس کے امید افزاں نتائج سامنے آئے ہیں۔

تفصیلات کے مطابق امریکا کے نیشنل انسٹیٹیوٹ آف ہیلتھ نے برطانوی دوا ساز کمپنی کی جانب سے بلڈ کینسر کی دوا کیلکوئنس کو کووڈ 19 کے مریضوں پر استعمال کرنے حوصلہ افزائی کی ہے۔

آسٹرا کمپنی کے آنکولوجی ریسرچ کے سربراہ جوس باسلگا نے بتایا کہ گیارہ مریضوں پر اس دوا کا استعمال کیا گیا جن کو آکسیجن پر رکھا گیا تھا، ان مریضوں میں سے 8 افراد کو سانس بحال ہونے پر ڈسچارج کر دیا گیا۔

غیرملکی خبر رساں ادارے سے گفتگو کرتے ہوئے جوس باسلگا کا کہنا تھا کہ ان مریضوں کی حالت انتہائی غیر مستحکم تھی لیکن کیلکوئنس دوا کے استعمال سے ایک سے تین دن میں ان مریضوں کی حالت میں واضح بہتری نظر آئی۔

آسٹرازینیکا کے مطابق یہ دوا مریض کے پھیپڑوں میں موجود وائرس کی افرائش کو روکتی ہے، تحقیق کے مطابق کرونا زیادہ تر مریضوں کے پھیپڑوں پر اثر انداز ہوتا ہے۔

خیال رہے کہ کیلکوئنس دوا کو واشنگٹن کے ایک اسپتال میں کورونا وائرس کے مریضوں پر آزمایا گیا جس کا مثبت نتیجہ سامنے آیا تھا۔

subscribe YT Channel install suchtv android app on google app store