ملک گیر قومی انسداد پولیو مہم مکمل، حیرت انگیز نتائج

ملک گیر قومی انسداد پولیو مہم فائل فوڑ ملک گیر قومی انسداد پولیو مہم

ملک گیر قومی انسداد پولیو مہم مکمل ہو گئی ہے، اس سلسلے میں ترتیب دی جانے والی رپورٹ میں کہا گیا ہے کہ پولیو مہم کی کامیابی کا تناسب 100.3 فی صد رہا۔

میڈیا  رپورٹ کے مطابق انسداد پولیو مہم کے نتائج کی رپورٹ وزارت قومی صحت کو موصول ہو گئی ہے، رپورٹ میں کہا گیا ہے کہ پولیو مہم سو فی صد سے بھی زیادہ کامیاب رہا، مہم میں مقررہ سے ایک لاکھ 24 ہزار زائد بچوں کو پولیو ویکسین دی گئی۔

رپورٹ کے مطابق پنجاب میں انسداد پولیو مہم نے مقررہ ہدف سے زائد نتائج حاصل کیے، صوبے میں پولیو مہم کی شرح 102.4 فی صد رہی، سندھ میں پولیو مہم کی شرح 100.07 فی صد رہی، اور 63493 اضافی بچوں کو پولیو ویکسین دی گئی، آزاد کشمیر میں انسداد پولیو مہم کی شرح 100.1 فی صد رہی، وفاقی دارالحکومت میں پولیو مہم کی شرح 99.8 فی صد رہی، اسلام آباد میں مقررہ 699 بچے پولیو ویکسین سے محروم رہے۔

ملک گیر قومی انسداد پولیو مہم، یو این جنرل سیکریٹری بھی حصہ لیں‌ گے۔

خیبر پختون خوا میں قومی انسداد پولیو مہم کی شرح 97.1 فی صد رہی، کے پی میں 2 لاکھ کے قریب بچے پولیو ویکسین سے محروم رہے، گلگت بلتستان میں پولیو مہم کی شرح 96.5 فی صد رہی، جب کہ 7899 بچے ویکسین سے محروم رہے، بلوچستان میں قومی انسداد پولیو مہم کی مجموعی شرح 91 فی صد رہی، جب کہ 2 لاکھ 13 ہزار بچے پولیو ویکسین سے محروم رہے

مجموعی طور پر قومی انسداد پولیو مہم میں 4 لاکھ 18 ہزار بچے ویکسین سے محروم رہے۔

install suchtv android app on google app store