کورونا وائرس سے متعلق ابو ظبئی حکومت کا بڑا اعلان، دنیائے عالم میں خوشی کا سماں

متحدہ عرب امارات سے خوش خبری آگئی  ماراتی خبررساں ادارے کی رپورٹ کے مطابق چین سے پھیلنے والا جان لیوا کروناوائرس آہستہ آہستہ پوری دنیا تک پہنچ رہا ہے، تاہم متحدہ عرب امارات میں مہلک وائرس سے متاثر ہونے والے دو افراد شفایاب ہوچکے ہیں۔

اماراتی محکمہ صحت کا کہنا ہے کہ ملک میں مجموعی طور پر 8 مریض کرونا وائرس کا شکار تھے جن میں تین کا مکمل علاج کیا جاچکا ہے جبکہ دیگر افراد کو طبی امداد فراہم کی جارہی ہے۔ قبل ازیں ایک چینی مریضہ بھی مکمل شفایاب ہوئی تھی۔

حال ہی میں صحت یاب ہونے والے دونوں مریضوں کا تعلق بھی چین سے ہے جن میں سے ایک کی عمر41 سال ہے جبکہ دوسرا اس کا بیٹا ہے جس کی عمر8 سال ہے۔

مصر میں بھی کورونا وائرس کا پہلا کیس سامنے آگیا

محکمہ صحت نے عزم کا اظہار کیا ہے کہ دیگر مریض بھی جلد صحت یاب ہوجائیں گے جبکہ خطرناک وائرس کا یو اے ای میں علاج ہونا اس کا ثبوت ہے کہ ہمارے ہاں صحت کے خدمات عالمی معیار کے ہیں۔

خیال رہے کہ چین کے شہر ووہان سے پھیلنے والے مہلک کورونا وائرس (COVID-19) کی ہلاکت خیزی جاری ہے، وائرس سے چین کے اندر مجموعی ہلاکتوں کی تعداد 1500 سے بھی بڑھ گئی، جب کہ کرونا وائرس کے مزید 14886 نئے کیسز رپورٹ ہو گئے ہیں، وائرس سے متاثر ہونے والے افراد کی تعداد 60 ہزار سے زائد ہوچکی ہے۔