انسٹاگرام پر فالوورز کیسے بڑھائیں جائیں؟ عائزہ خان نے ’راز‘ بتادیا

عائزہ خان فائل فوٹو عائزہ خان

عائزہ خان ایک روز قبل ہی انسٹاگرام پر فالو کی جانب سے والی سب سے بڑی اداکارہ بنی تھیں اور انہوں نے اداکارہ ایمن خان کو پیچھے چھوڑا تھا جو دو ماہ قبل تک فالوورز میں ان سے آگے تھیں۔

29 جنوری 2021 تک عائزہ خان کے انسٹاگرام فالورز کی تعداد 80 لاکھ جب کہ ایمن خان کے فالوورز کی تعداد 79 لاکھ تھی۔

انسٹاگرام پر سب سے زیادہ فالوورز رکھنے کا اعزاز حاصل کرنے کے بعد عائزہ خان نے اپنی ایک پوسٹ میں بتایا کہ انہیں سب سے زیادہ فالو کیے جانے کے پیچھے کیا ’راز‘ ہے؟

اداکارہ نے انسٹاگرام پر اپنی تصویر شیئر کرتے ہوئے لمبی چوڑی پوسٹ میں پہلے تو واضح کیا کہ انسٹاگرام پر زیادہ فالوورز کامیابی کی ضمانت نہیں ہیں اور نہ ہی فالورز کےمقابلے کوئی دیرینہ مدت تک کامیاب رہ سکتا ہے۔

انہوں نے انسٹاگرام پر فالو کیے جانے پر مداحوں کا شکریہ بھی ادا کیا، تاہم ساتھ ہی واضح کیا کہ آخر کیوں انہیں انسٹاگرام پر سب سے زیادہ فالو کیا گیا؟

اداکارہ کے مطابق ان کی سخت محنت اور اداکاری کی وجہ سے ہی لوگوں نے انہیں انسٹاگرام پر فالو کیا اور انہیں ان کی محنت کا پھل مل گیا۔

عائزہ خان کے مطابق انہیں والدہ ہمیشہ سخت محنت کی تلقین کرتی رہی ہیں اور انہوں نے ساری توجہ شاندار اداکاری کرنے پر لگائی، جس وجہ سے انسٹاگرام پر ان کے فالوورز بڑھے۔

اداکارہ نے واضح کیا کہ انسٹاگرام پر سب سے زیادہ فالوورز کا مطلب کامیابی نہیں اور نہ ہی اس سے زیادہ دیر تک کوئی کامیاب رہ سکتا ہے۔

عائزہ خان کا کہنا تھا کہ بعض لوگوں کے انسٹاگرام پر چند ہزار فالوورز ہوتے ہیں مگر سماج میں ان کا ایک اثر ہوتا ہے جب کہ بعض افراد کے لاکھوں فالورز ہوتے ہیں مگر ان کا معاشرے پر کوئی اثر نہیں ہوتا۔

پوسٹ کے آخر میں اداکارہ نے فالوورز و مداحوں کے لیے محبت کا اظہار بھی کیا۔

subscribe YT Channel install suchtv android app on google app store