مہوش حیات نے کراچی ایئر پورٹ پر ایسا کیا دیکھا کہ کرتا دھرتاﺅں پر برس پڑیں؟ جانئے خبر میں

 اپنے ایک ٹویٹ میں اداکارہ مہوش حیات نے کہا کہ بد قسمتی سے انہیں کراچی ایئر پورٹ پر لیڈیز روم استعمال کرنا پڑا، یہ بہت ہی مایوس کن تھا، انتہائی گندہ اور سخت بدبودار، حتیٰ کہ اس میں لال بیگ بھی موجود تھے۔

اداکارہ نے کہا کہ بیت الخلاءکی اتنی بری حالت صحت کیلئے نقصان دہ ہے ، کیا یہ وہ پہلا تاثر ہوگا جو ہم پاکستان آنے والے لوگوں کو دینا چاہیں گے؟ یہ بہت ہی بنیادی سی باتیں ہیں اس لیے ہمیں اپنے حصے کا کام کرنا چاہیے۔

Disgusting! Had misfortune to use the ladies room at Khi Airport - dirty and stinking. Even saw cockroaches. Not only is it unhygienic but is this the first impression we want to give to people arriving here? These are the most basic amenities - let's clean up our act

— Mehwish Hayat TI (@MehwishHayat) January 24, 2020

خیال رہے کہ برطانیہ نے پاکستان میں آنے والے اپنے شہریوں کیلئے ٹریول ایڈوائزری میں نرمی کی ہے، اس سے قبل ایک امریکی رپورٹ میں بھی پاکستان کو 2020 کی بہترین سیاحتی جگہ قرار دیا گیا تھا۔ ان رپورٹس کے بعد قوی امکان ہے کہ پاکستان میں بڑی تعداد میں سیاحوں کی آمد ہوگی لیکن کیا ہم بیرون ممالک سے آنے والے سیاحوں کو بنیادی ترین تقاضے کیلئے بدبو دار جگہ پر چھوڑ دیں گے؟ یہ وہ سوال ہے جس کا جواب ہمارے کرتا دھرتاﺅں نے دینا ہے۔