ہم سب نے اپنے بچپن میں مکی ماؤس اور منی ماؤس کے بے شمار کارٹونز دیکھیں ہیں اور اب بھی اس کی مقبولیت میں کوئی کمی نہیں آئی۔ اب بچوں کی پسندیدہ منی ماؤس کا نام بھی ہالی ووڈ واک آف فیم میں شامل کرلیا گیا ہے۔
بچوں کے پسندیدہ کردار منی ماؤس کو ہالی ووڈ واک آف دی فیم کے اعزاز سے نوازا گیا۔
لاس اینجلس میں منی ماؤس کے اعزاز میں شاندار تقریب ہوئی۔ واک آف دی فیم کے ستارے پر منی ماؤس اپنا نام دیکھ کر خوشی سے نہال ہوگئی اور اس نے خوشی کے مارے وہاں موجود لوگوں کو گلے لگا لیا۔
تقریب میں امریکی گلوکارہ کیٹی پیری اور مداح بھی سرخ اور سفید رنگ کے لباس میں نظر آئے۔
مکی ماؤس بھی اپنی دوست کی خوشی میں شریک ہوا اور دونوں نے خوب تصاویر بنوائیں۔
یاد رہے کہ سنہ 1978 میں مکی ماؤس کو ہالی ووڈ واک آف دی فیم سے نوازا گیا تھا جس کے 40 سال بعد منی ماؤس کو بھی یہ اعزاز دے دیا گیا۔
