140 سال قبل گمشدہ نایاب پرندہ پھر سے دریافت

140 سال قبل گمشدہ نایاب پرندہ پھر سے دریافت فائل فوٹو 140 سال قبل گمشدہ نایاب پرندہ پھر سے دریافت

پاپوا نیوگنی میں دنیا کا ایک نایاب ترین گمشدہ پرندہ دریافت کیا گیا ہے، ماہرین کے مطابق 140سال بعد ملنے والی یہ انتہائی غیرمعمولی کامیابی ہے۔

میڈیا رپورٹس کے مطابق یہ دریافت پاپوا نیو گِنی کے مشرقی ساحل سے آگے فرگوسن جزیرے میں ستمبر میں ہوئی۔

رپورٹ کے مطابق محققین کے کیمرا نے اس نایاب پرندے کو عکس بند کیا۔ اس پرندے کو پہلی بار 1882 میں ریکارڈ پر لایا گیا تھا جس کے بعد وہ پرندہ کبھی نہیں دیکھا گیا۔

امیریکن برڈ کنزروینسی میں گمشدہ پرندوں کے پرگرام کے ڈائریکٹر اور آٹھ ممبران پر مشتمل ایک مشن کے شریک سربراہ جان سی مِٹرمیئر کا کہنا تھا کہ ایک ایسی چیز کو ڈھونڈ لینا جو کافی عرصہ سے نہ دِکھی ہو اور آپ سوچ رہے ہوں یہ معدوم ہوچکی ہے اور پھر آپ کو پتہ لگے کہ ایسا نہیں ہے تو ایسا لگتا ہے کہ آپ کو یونی کورن ملا ہے۔

محققین کی یہ ٹیم گمشدہ پرندوں کو ڈھونڈنے کے لیے کی جانے کوشش کا ایک حصہ ہے۔

اس مشن کا مقصد 150 ایسے پرندوں کو دوبارہ دریافت کرنا ہے جن کو معدوم نہیں قرار دیا گیا ہے لیکن ان کو ایک دہائی سے زیادہ عرصے سے دیکھا بھی نہیں گیا ہے۔

subscribe YT Channel install suchtv android app on google app store