ایک لاکھ سے زائد تجارتی لائسنس جاری, سعودی حکومت کا احسن اقدام

جدہ میونسپلٹی گیٹ نے سال رواں کے حوالے سے اعداد و شمار جاری کرکے ای الیکٹرانک خدمات کو اجاگر کیا ہے۔

میونسپلٹی نے اس حوالے سے اپنی رپورٹ میں بتایا کہ ایک لاکھ تین ہزار 833 افراد نے ای گیٹ پر موجود مواد کو شیئر کیا جبکہ تین ہزار 243نے براہِ راست رابطہ سروس پر مکالمے کیے۔

رپورٹ کے مطابق تین لاکھ 37 ہزار سے زیادہ پیغامات رجسٹرڈ ہوئے۔ 1974 درخواستیں تکنیکی مدد کےلیے موصول ہوئیں جبکہ چار لاکھ 12 ہزار 586درخواستیں دکانوں کے لائسنس کے لیے دی گئیں۔

اس کے علاوہ دو ہزار669 درخواستیں میونسپلٹی گیٹ پر رجسٹریشن کے لیے موصول ہوئیں اور پانچ لاکھ چار ہزار217 درخواستیں اکاؤنٹ اپ ڈیٹ کرنے اور مؤثر کرنے کے لیے ملیں جبکہ گاڑیوں کے لائسنس کےلیے97درخواستیں دی گئیں۔

جدہ کے معاون میئر یاسر الشریف نے کہا ہے کہ جدہ میونسپلٹی گیٹ بہت ساری سہولتیں آن لائن فراہم کررہا ہے، تجارتی لائسنس کا پرنٹ اور مختلف سہولتوں کے لیے بکنگ قابل ذکر ہیں۔