ہم نے مؤثر اقدامات سے کرنٹ اکاؤنٹ خسارے پر قابو پایا ہے مشیر خزانہ

ہم نے مؤثر اقدامات سے کرنٹ اکاؤنٹ خسارے پر قابو پایا ہے مشیر خزانہ فائل فوٹو ہم نے مؤثر اقدامات سے کرنٹ اکاؤنٹ خسارے پر قابو پایا ہے مشیر خزانہ

مشیر خزانہ عبدالحفیظ شیخ نے کہا ہے کہ ہم نے مؤثر اقدامات سے کرنٹ اکاؤنٹ خسارے پر قابو پایا ہے۔

مشیر خزانہ عبدالحفیظ شیخ نے کہا ہے کہ حکومت نے مالیاتی نظم و ضبط کے لیے مشکل فیصلے کیے۔ پاکستان کی 72 سالہ تاریخ میں سیاسی استحکام نہیں رہا۔

انہوں نے کہا کہ حکومت نے احساس پروگرام کے تحت شفاف انداز میں مستحقین میں مالی امداد تقسیم کیں اور ہم معاشی سرگرمیاں جاری رکھنے کے خواہاں ہیں۔

عبدالحفیظ شیخ نے کہا کہ کورونا صورتحال میں پسماندہ طبقے کو ریلیف کی فراہمی حکومت کی اہم ترجیح تھی۔ پاکستان تحریک انصاف (پی ٹی آئی) حکومت کے آنے کے بعد پرائیوٹ سیکٹر سمیت ایکسپورٹرز کو فائدا ہوا۔

انہوں نے کہا کہ ہمیں اداروں کے معاملات میں حکومتی مداخلت کو ختم کرنا ہو گا۔ معاشی ترقی میں پرائیوٹ سیکٹر کا کردار اہم ہے۔

گزشتہ روز مشیر خزانہ عبدالحفیظ شیخ نے کہا تھا کہ ہماری معیشت اوپر جا رہی ہے اور چاروں طرف سے ہمیں معیشت کی اچھی خبریں آرہی ہیں۔

مشیر خزانہ کا کہنا تھا کہ ملک میں روزانہ کی بنیاد پر 40 ہزار ٹن گندم ریلیز ہو رہی ہے جبکہ ملک میں 20 سے 22 لاکھ ٹن گندم کم پیدا ہوئی لیکن ملک میں اس وقت گندم کی کوئی کمی نہیں ہے۔

ان کا کہنا تھا کہ جب حکومت ملی تو ایک بحرانی کیفیت تھی۔ مجبوراً ہمیں آئی ایم ایف کے پاس جانا پڑا۔ ہماری حکومت نے برآمدات میں اضافہ کیا اور کمزور طبقے کیلئے تاریخی پیکج دیے۔

subscribe YT Channel install suchtv android app on google app store