صنعتوں کی پیداوارمیں بہترین اضافہ، وفاقی ادارہ شماریات کی رپورٹ جاری

 دسمبر میں بڑی صنعتوں کی پیداوار میں 9 اعشاریہ 66 فی صد کا اضافہ فائل فوٹو دسمبر میں بڑی صنعتوں کی پیداوار میں 9 اعشاریہ 66 فی صد کا اضافہ

وفاقی ادارہ شماریات کا کہنا ہے کہ دسمبر میں بڑی صنعتوں کی پیداوار میں 9 اعشاریہ 66 فی صد کا اضافہ ریکارڈ کیا گیا ہے۔

وفاقی ادارہ شماریات نے بڑی صنعتوں کی پیداوار کے اعداد و شمار جاری کیے، دسمبر میں بڑی صنعتوں کی پیداوار میں 9 اعشاریہ 66 فی صد کا اضافہ ریکارڈ کیا گیا جب کہ نومبر میں بڑی صنعتوں کی پیداوار میں 16 اعشاریہ 4 فی صد کی کمی ریکارڈ کی گئی تھی۔

اعداد و شمار کے مطابق خوراک اور مشروبات سیکٹر میں 41 اعشاریہ 57 فی صد کا اضافہ ریکارڈ کیا گیا، ٹیکسٹائل سیکٹر میں پچاس فی صد کا اضافہ، پیپر اینڈ بورڈ کی صنعت میں 33 اعشاریہ 4 فی صد اضافہ، چمڑے کی صنعت میں 16 اعشاریہ 1 فی صد اضافہ، فارما سیکٹر میں 2.83 فی صد جب کہ الیکٹرونکس میں 15.5 فی صد کا اضافہ ریکارڈ کیا گیا۔

دوسری طرف آٹو سیکٹر میں 28، انجینئرنگ پروڈکٹس 10، آئرن اینڈ اسٹیل میں 3.7 فی صد کمی ہوئی، رواں مالی سال کی پہلی سہ ماہی میں صنعتی پیداوار میں 3.35 فی صد کمی ریکارڈ کی گئی۔

حکومت کی کامیاب پالیسیوں کے باعث دسمبر میں بڑی صنعتوں کی پیداوار میں نمایاں اضافہ دیکھنے میں آیا، 8 صنعتوں کی پیداوار مثبت رہی، اقتصادی ماہرین کا کہنا ہے کہ ملکی صنعتی پیداوار میں آہستہ آہستہ اضافہ ہو رہا ہے، آثار نمایاں ہیں کہ اب ملکی معشیت میں بہتری نظر آئے گی۔

یاد رہے کہ یکم جنوری کو وفاقی ادارہ شماریات نے مہنگائی سے متعلق اعداد و شمار جاری کرتے ہوئے کہا تھا کہ ماہ دسمبر کے دوران مہنگائی کی شرح میں 0.34 فی صد کمی ہوئی۔

subscribe YT Channel install suchtv android app on google app store