انٹر بینک میں ڈالر مزید سستا ہوگیا

فاریکس ڈیلرز کے مطابق انٹر بینک میں ڈالر 158.57 سے کم ہوکر 158.30 روپے کا ہوگیا ہے۔ گزشتہ روز ڈالر کی قیمت میں کوئی تبدیلی نہیں ہوئی تھی۔

دوسری جانب اوپن مارکیٹ میں بھی ڈالر کی قدر میں 10 پیسے کمی ہوئی۔

کرنسی ڈیلرزایسوسی ایشن کے مطابق ڈالر کی قیمت 158 روپے 80 پیسے ہوگئی۔

یاد رہے کہ اگست 2018 میں پی ٹی آئی حکومت برسر اقتدار آئی تو ڈالر 122 روپے کا تھا۔

ستمبر 2018 میں ڈالر 134 اور نومبر میں 142 پر ٹریڈ کررہا تھا ۔ گزشتہ سال کے اختتام پر ڈالر 139 روپے 40 پیسے کا ہوچکا تھا۔