پاکستان میں معاشی بحران کا خطرہ ٹل گیا، آئی ایم ایف نے پہلی قسط جاری کر دی

  • اپ ڈیٹ:
آئی ایم ایف نے پاکستان کو پہلی قسط جاری کر دی فائل فوٹو آئی ایم ایف نے پاکستان کو پہلی قسط جاری کر دی

پاکستان میں معاشی بحران کا خطرہ ٹل گیا۔ آئی ایم ایف نے پاکستان کو قرضے کی پہلی قسط جاری کر دی۔ جس کے بعد ملکی زر مبادلہ کےذخائر میں خاطر خواہ اضافہ ہو گیا۔

اسٹیٹ بینک کے مطابق آئی ایم ایف کی جانب سے 99 کروڑ 10 لاکھ ڈالرز کی پہلی قسط جاری کی گئی ہے جس سے ملکی زرمبادلہ کے ذخائر 15 ارب4 کروڑ 31 لاکھ ڈالرز ہوگئے ہیں۔

یاد رہے کہ پاکستان اور آئی ایم ایف کے درمیان 6 ارب ڈالر کا معاہدہ طے پایا ہے جس کے تحت عالمی مالیاتی فنڈ تین سالہ معاشی پیکج کے تحت پاکستان کو یہ رقم فراہم کررہا ہے۔

دوسری جانب آئی ایم ایف نے گزشتہ روز پاکستان کی معیشت پر رپورٹ جاری کی ہے جس میں ٹیکسس کو بڑھانے کا مطالبہ کیا ہے۔

رپورٹ میں بتایا گیا ہےکہ پاکستان کو آئندہ ماہ بجلی کے ریٹس ڈھائی روپے فی یونٹ بڑھانا ہوں گے، پاکستان نے بجٹ میں 733 ارب 50 کروڑ روپے کے نئے ٹیکس لگائے ہیں، پارلیمنٹ کو بتایا گیا کہ 516 ارب روپے کے ٹیکس لگائے گئے ہیں جو حقیقت میں 733 ارب 50 کروڑ روپے کے تھے۔

رپورٹ کے مطابق پاکستان کو ستمبر تک ایک ہزار ارب روپے کے ٹیکسز جمع کرنا ہوں گے، پاکستان کو اپنی معیشت کی بہتری کے لیے 25 ارب ڈالرز کی ضرورت ہے، مئی سے کرنسی کی شرح تبادلہ مارکیٹ طے کررہی ہے لیکن اسٹیٹ بینک اسے ماننے کو تیار نہیں۔

install suchtv android app on google app store