ڈالر کو ریورس گئیر لگ گیا، 11 روپے 38 پیسے کی کمی

ڈالر فائل فوٹو ڈالر

انٹر بینک میں ڈالر کو ریورس گئیر لگ گیا جس کے بعد ڈالر کے مقابلے میں پاکستانی روپے کی قدر میں اضافہ ہورہا ہے۔

بدھ کے روز کاروبار کے آغاز پر امریکی ڈالر کے سامنے روپے کی قدر میں بہتری دیکھنے میں آئی اور ڈالر مسلسل نیچے رہا۔

انٹربینک میں کاروبار کے دوران ڈالر کی قدر  میں 11 روپے 38 پیسے کی کمی ہوگئی اورانٹربینک میں ایک ڈالر 227 روپے پر آگیا  ہے۔ 

اسی طرح اوپن مارکیٹ میں بھی ڈالر کی قدر میں تیزی سے کمی ہوئی اور روپیہ تگڑا ہوگیا، اوپن مارکیٹ میں ڈالر 11 روپے سستا ہوکر 227 روپے کا ہوگیا۔

چند روز سے انٹربینک میں ڈالر کی قدر میں کمی دیکھی جارہی ہے اور گزشتہ روز انٹربینک میں کاروبار کے اختتام پر ڈالر کا بھاؤ 46 پیسے کم ہوکر 238 روپے 38 پیسے رہا تھا۔

اس سے قبل انٹربینک میں ڈالر کی اونچی اڑان کا سلسلہ جاری تھا اور ایک ڈالر کی قیمت 240 روپے تک جا پہنچی تھی۔

install suchtv android app on google app store