وفاقی حکومت نے لگژری اشیا کی درآمد پر مکمل پابندی لگا دی

وفاقی حکومت نے لگژری اشیا کی درآمد پر مکمل پابندی لگا دی فائل فوٹو وفاقی حکومت نے لگژری اشیا کی درآمد پر مکمل پابندی لگا دی

حکومت نے غیر ضروری اور لگژری اشیا کی درآمد پر مکمل پابندی کا فیصلہ کر لیا۔

وزیر اعظم شہباز شریف کی زیر صدارت اعلیٰ سطح کا اجلاس ہوا جس میں ملک کی معاشی تشویشناک صورتحال کا جائزہ لیا گیا۔ شرکا نے معاشی مشکلات سے نمٹنے کے لیے سخت فیصلے کرنے پر اتفاق کیا جس کے نتیجے میں روپے کی بے قدری میں کمی آئے گی۔

وزیر اعظم نے غیر ضروری اور لگژری اشیا کی درآمد پر پابندی کے فیصلے کو فوری طور پر اطلاق کرنے کی ہدایت دیتے ہوئے کہا کہ غیر ضروری و لگژری اشیا کی درآمد پر قیمتی زر مبادلہ خرچ نہیں ہونے دیں گے۔

وزیراعظم کی منظوری کی سمری موصول ہونے پر امپورٹ پالیسی آرڈر میں ترامیم کی جائیں گی اور بڑی گاڑیوں، مہنگے موبائل فونز، کاسمیٹکس سمیت دیگر اشیاء کی درآمد پر پابندی عائد کر دی جائے گی۔

ذرائع کے مطابق درآمدات پر پابندی کا مقصد درآمدی بل کم کرنا ہے۔ اس اقدام سے ماہانہ ایک ارب ڈالر کے لگ بھگ زرمبادلہ کی بچت متوقع ہے اور روپے کی قدر میں استحکام و بہتری لانے میں مدد ملے گی۔

install suchtv android app on google app store