مہنگائی کی چکی میں پستے عوام کے لئے بُری خبر ہے کہ پیٹرولیم مصنوعات کی قیمتیں پھر بڑھنے جارہی ہیں۔ذرائع کے مطابق پیٹرولیم مصنوعات کی قیمتوں میں اضافے کی سمری پیٹرولیم ڈویژن کو مل گئی ہے، امکان ہے کہ پٹرولیم مصنوعات چار سے پانچ روپے فی لٹر ہوگی۔
ذرائع کے مطابق پیٹرول کی قیمت 5.15 اور ڈیزل کی 5.65 روپے فی لیٹر بڑھنے کا امکان ہے جبکہ مٹی کا تیل اور لائٹ ڈیزل 4 روپے تک بڑھ سکتا ہے۔
ذرائع کا کہنا ہے کہ عالمی منڈی میں قیمتیں بڑھنے سے اضافے کی ورکنگ کی گئی، قیمتوں میں اضافے سے متعلق حتمی فیصلہ وزیر اعظم کریں گے، وزارت خزانہ آج رات نئی قیمتوں کا اعلان کرے گی۔
یاد رہے کہ یکم جنوری کو پیٹرول، ہائی اسپیڈ ڈیزل چار چار روپے فی لیٹر مہنگا کیا تھا جبکہ لائٹ ڈیزل 4روپے15پیسےمٹی کاتیل3روپے95پیسےمہنگاکیا گیا تھا۔
