امریکا نے تسلیم کیا ہے کہ امریکا نے شام میں جیمز فولی سمیت’مغوی امریکی شہریوں کو بازیاب کرانے‘ کیلئے خفیہ مشن کیا جو ناکام رہا، فضائی اور زمینی آپریشن بھی کارگر ثابت نہ ہوسکا۔
پینٹاگون نے ایک بیان میں کہا ہے کہ اپنے مغویوں جن میں امریکی صاحفی جیمز فولی بھی شامل تھے کی بازیابی کیلیے فضائی و زمینی آپریشن کیا گیا جس کا ہدف دولتِ اسلامیہ کے اغوا کاروں کا نیٹ ورک تھا۔ ’بدقسمتی سے یہ مشن کامیاب نہیں ہو سکا کیونکہ مغوی ہدف بنائے گئے مقام پر موجود نہیں تھے۔
اوباما انتظامیہ کے سینیئر حکام نے کہا کہ امریکی مغویوں کو بازیاب کرانے کے لیے اس سال موسمِ گرما کے اوائل میں ہوائی جہاز کے ذریعے سپیشل فورسز کے کئی درجن فوجی شام میں اتارے گئے۔ اس کیلئے فوج اور دولتِ اسلامیہ کے جنگجوؤں کے درمیان جھڑپیں ہوئیں جن میں کئی شدت پسند مارے گئے لیکن کوئی امریکی ہلاک نہیں ہوا۔
40 سالہ جیمز فولی مشرقِ وسطیٰ سے گلوبل پوسٹ اور خبر رساں ادارے اے ایف پی سمیت دیگر نیوز اداروں کے لیے رپورٹنگ کرتے رہے ہیں۔
