لاہور کے بعد اب شمالی وزیرستان میں کرکٹ کا میلہ سجے گا، پاک الیون اور یوکے الیون کی ٹیمیں میران شاہ میں مدمقابل ہونگی۔ ڈی جی آئی ایس پی آر کے مطابق میران شاہ میں 21 ستمبر کو کرکٹ میچ کا انعقاد کیا جارہا ہے جو پاک الیون اور یوکے الیون کے درمیان کھیلاجائے گا۔
ڈی جی آئی ایس پی آر کے مطابق یہ میچ فاٹا کی عوام کے لیے آرمی چیف جنرل قمر جاوید باجوہ کی جانب سے ایک تحفہ ہے۔
ذرائع کے مطابق یہ میچ پی سی بی اور پشاور زلمی کے اشتراک سے منعقد کیا جا رہا ہے، پی ٹی وی سپورٹس سے صبح پونے دس بجے لائیو دکھایا جائے گا۔
Cricket in NWA. Pak XI plays UK Media XI on 21 Sep 17. Live telecast from Miranshah. Peace & prosperity is our destiny. #PeacefulPakistan?? pic.twitter.com/inPVojxaYw
— Maj Gen Asif Ghafoor (@OfficialDGISPR) September 20, 2017
ذرائع کے مطابق ڈی جی آئی ایس پی آر میجر جنرل آصف غفور نے لاہور میں آزادی کپ کے دوران فاٹا میں بھی میچ کرانے کا وعدہ کیا تھا۔
ذرائع کے مطابق میچ میں شاہد آفریدی، انضمام الحق، کامران اکمل، وجاہت اللہ واسطی، یونس خان، جنید خان، عمر گل، مشتاق احمد، ریاض آفریدی سمیت دیگر کھلاڑی حصہ لیں گے۔