پاکستان کا قومی کھیل تو ہاکی ہے لیکن ملک میں ہر کھیل کو اہمیت دی جاتی ہے، اگر بات کی جائے پاکستان کی خواتین کی تو وہ نہ صرف گھر کے کاموں بلکہ ہر شعبے میں مردوں کے شانہ بشانہ چل رہی ہیں۔
پاکستان کی خواتین پڑھائی میں، نوکری میں، گھرداری میں تو اپنا لوہا منوا ہی چکی ہیں لیکن اب وہ کھیلوں کی دنیا میں بھی کسی سے پیچھے نہیں ہیں۔
پاکستان کی خواتین فٹ بال ٹیم کو دنیا بھر میں خوب پزیرائی مل رہی ہے جس کی متعدد وجوہات ہیں۔
حال ہی میں اس ٹیم نے مالدیوس جاکر 2 ٹرافیاں حاصل کی ہیں اور ان کے مداحوں کی تعداد بڑھتی ہی جارہی ہے۔
دراصل خواتین فٹ بال ٹیم کی بڑھتی ہوئی فین فالونگ کی وجہ صرف انکا کھیل ہی نہیں بلکہ کھلاڑیوں کی پر کشش شخصیت بھی ہے اور وہ پاکستان ہی نہیں بلکہ دنیا بھر میں پہچانی جارہی ہیں۔
راحیلہ اس ٹیم کی باصلاحیت اسسٹنٹ مینجر ہیں اور اس کے علاوہ وہ کافی پرکشش شخصیت کی مالک بھی ہیں۔ راحیلہ بلوچستان کی ٹیم میں فٹ بال کھیلتی رہی ہیں اور گزشتہ تین برس سے پاکستان کی قومی ویمن فٹ بال ٹیم کا حصہ ہیں۔
شاہ لیلا اس ٹیم کی فاروڈ کھلاڑی ہیں اور پاکستان نیشنل ٹیم سمیت بلوچستان یونائٹڈ کا بھی حصہ ہیں اور سب سے دلچسپ بات تو یہ ہے کہ وہ بلوچستان اسمبلی کی ممبر روبینہ عرفان کی بیٹی بھی ہیں۔
جویان نہ صرف پاکستانی خواتین فٹبال ٹیم کی پہلی عیسائی کھلاڑی ہیں بلکہ سب سے کم عمر بھی ہیں۔ انہوں نے فٹ بالکی دنیا میں اپنا انٹرنیشنل ڈیبیو 17 سال کی عمر میں کیا۔
ماہ پارہ فٹ بال ٹیم کی گول کیپر ہیں اور نہایت پر کشش شخصیت کی مالک بھی ہیں۔ یہ بلوچستان یونائٹڈ کے لیے بھی کھیلتی ہیں۔
ہاجرہ فٹ بال ٹیم کی کپتان ہیں اور نہایت ہی باصلاحیت لڑکی ہیں۔21 سالہ یہ کھلاڑی کراچی کے کلب ڈیوا کے لئے بھی کھیلتی ہیں۔
اگر اب بھی آپ کو پاکستان فٹ بال ٹیم میں کوئی کمی نظر آرہی ہے تو ایک بار اس بوری ٹیم کو دیکھ لیں۔
