سابق اسپنر ثقلیم مشتاق نے اپنی خدمات قومی ٹیم کو پیش کردیں

ذرائع کا کہنا ہے کہ ثقلین مشتاق نے اپنا تجربہ نوجوان اسپنرز میں منتقل کرنے کی پیشکش کی ہے۔ کرکٹ بورڈ ثقلین مشتاق کے ساتھ بات چیت کے ساتھ دیگر آپشنز پر بھی نظر رکھے ہوئے ہے۔

سابق اسپنر ثقلین مشتاق ان دنوں بیرون ملک مقیم ہیں لیکن اسکے باوجود انہوں نے قومی ٹیم کےلئے اپنی خدمات پیش کر دی ہیں۔ ثقلین مشتاق اس سے پہلے بھی پاکستان کرکٹ بورڈ کی اندرونی سیاست کی وجہ سے وہ اپنی خدمات ٹیم کےلئے پیش نہیں کرسکے تھے۔

قومی ٹیم ان دنوں سیلکٹر اور کوچ کی تعینات کےلئے سابق کرکٹرز سے بات چیت کررہی ہے،ان میں اب ثقلین مشتاق بھی شامل ہوگئے ہیں۔ 37سالہ ثقلین نے 49 ٹیسٹ اور 169 ون ڈے میچز میں پاکستان کی نمائندگی کرتے ہوئے بالترتیب 208 اور 288 وکٹیں لیں، حال ہی میں ورلڈ ٹوئنٹی 20 کے دوران ثقلین کی موجودگی سے ویسٹ انڈین کیمپ پر اچھا اثر پڑا اور وہ پاکستان کے خلاف 84 رنز سے فتح حاصل کرنے میں کامیاب رہے۔