تحریک انصاف کے مرکزی رہنما جہانگیر ترین نے کہا ہے کہ نواز شریف احتساب سے بھاگ رہے ہیں، لیکن ان کو ایک ایک سوال کا جواب دینا ہو گا، ججز کے خلاف سازش کی جارہی ہے۔
لاہور میں صحافیوں سے گفتگو کرتے ہوئے کیا، انہوں نے کہا کہ این اے 120 نواز شریف کے گھر کا حلقہ ہے لیکن وہ نااہل ہیں،ہم این اے 120 کا ضمنی انتخاب،این اے 122 کی طرز پر لڑیں گے۔
جہانگیر ترین کا کہنا تھا کہ نوازشریف کو سپریم کورٹ کا فیصلہ دل سے تسلیم کرنا چاہئے، نیب آزاد ہوتا تو سپریم کورٹ کو جے آئی ٹی کی ضرورت نہ پڑتی۔
نیب نے شریف خاندان کو طلبی کے سمن بھیجے لیکن وہ پیش نہیں ہوئے، نوازشریف کی جرات صرف جی ٹی روڈ تک تھی، جہانگیر ترین نے کہا کہ ہم انہیں احتساب سے بھاگنے نہیں دیں گے، نواز شریف کوایک ایک سوال کا جواب دینا ہو گا۔
ڈیڑھ سال سے پوری قوم جواب مانگ رہی ہے، سپریم کورٹ کے ججز کے خلاف سازش کی جارہی ہے، ججز کی خبریں لیک کی جارہی ہیں، نیب کو کھل کر کام کرنا چاہئے۔
