لاہور میں دہشت گردی کی ایک اور کوشش ناکام بنادی گئی

محکمہ انسداد دہشت گردی (سی ٹی ڈی) لاہور نے تحریک طالبان پاکستان (ٹی ٹی پی) اور جماعت الاحرار سے تعلق رکھنے والے دو مبینہ 'دہشت گردوں' کو گرفتار کرکے ان کے قبضے سے اسلحہ بھی برآمد کر لیا۔

سی ٹی ڈی کی جانب سےجاری بیان کے مطابق 'سی ٹی ڈی کی ٹیم نے کالعدم تنظیم ٹی ٹی پی اور جماعت الاحرار کے دو دہشت گردوں علی نور اور سرتاج خان کو والٹن روڈ لاہور سے گرفتار کرلیا ہے'۔

ان کا کہنا ہے کہ گرفتار افراد کے قبضے سے دھماکہ خیز مواد اور گرینیڈ بھی برآمد کرلیے گئے ہیں۔

بیان میں کہا گیا ہے کہ مبینہ 'دہشت گرد اگلے ہفتے قانون نافذ کرنے والے اہلکاروں پر حملہ کرنے کی منصوبہ بندی کررہے تھے'۔

ان کا کہنا ہے کہ سی ٹی ڈی کی تفتیشی ٹیم نے متعلقہ جگہ پر پہنچ کر تفتیش شروع کردی ہے۔

install suchtv android app on google app store