پی پی 196 کے ضمنی انتخاب، شکست کو تسلیم کرتے ہیں: شاہ محمود قریشی

تحریک انصاف کے وائس چیئرمین شاہ محمود قریشی کہتے ہیں کہ وہ کامیاب ہونے والے مسلم لیگ (ن) کے امیدوار کو مبارکباد پیش کرتے ہیں۔

ملتان میں اپنی رہائشگاہ پر میڈیا سے گفتگو کرتے ہوئے شاہ محمود قریشی کا کہنا تھا کہ وہ ضمنی انتخاب میں تحریک انصاف کی شکست کو کھلے دل سے تسلیم کرتے ہیں اور مسلم لیگ (ن) کو مبارکباد پیش کرتے ہیں لیکن جاوید ہاشمی کو اس لئے مبارک نہیں دیتا کیونکہ وہ مسلم لیگ (ن) کا حصہ نہیں ہیں۔

شاہ محمود قریشی کا کہنا تھا کہ ضمنی انتخابات میں حکومتی امیدوار کو سرکاری مشنیری کی مدد ہوتی ہے لیکن تحریک انصاف کی مقبولیت میں کوئی فرق نہیں پڑا۔ شاہ محمود نے کہا کہ جوڈیشل کمیشن کی کارروائی جاری ہے۔ فیصلے کی پیشگوئی نہیں کر سکتا لیکن اگر دوبارہ الیکشن ہوئے تو تحریک انصاف انتخابات کے لئے تیار ہے۔

install suchtv android app on google app store