پاکستان تحریک انصاف کے چیئرمین عمران خان نے تمام پاکستانیوں کو عید کی مبارکباد دی ہے، انہوں نے دہشت گردی کے واقعات اور بہاولپور حادثے پر دکھ اور افسوس کا اظہار کیا۔
اپنے پیغام میں عمران خان نے کہا کہ عید ایسا موقع ہے جب سارا خاندان اکٹھا ہوتا ہے، بچے خوش ہوتے ہیں، ہمیں نہیں بھولنا چاہیے کہ گزشتہ 30 گھنٹوں میں ملک بھر میں دہشت گردی اور المناک سانحات ہوئے۔
My Eid Message pic.twitter.com/fq8jrlRfzp
— Imran Khan (@ImranKhanPTI) June 25, 2017
انہوں نے کہا کہ دہشت گردی اور حادثے میں جاں بحق افراد کے اہلخانہ اور بچوں پر کیا گزری ہوگی، ہمیں تمام جاں بحق افراد کے لیے دعا کرنی چاہیے، لواحقین کو اللہ صبر دے، اللہ سے دعا ہے کہ آنے والے دنوں میں ہمارے لیے آسانیاں پیدا کرے۔
عمران خان نے کہا کہ 15 سال سے پاکستان جن حالات سے دوچار ہے اللہ ان سے نجات دے، میرا ایمان ہے کہ اللہ ہماری دعائیں سنے گا۔
