آرمی چیف جنرل قمر جاوید باجوہ نے نے کہاہے کہ مال روڈ پر دھماکہ پی ایس ایل کا فائنل سبوتاژکرنے کے لئے کیا گیا لیکن پاک فوج فائنل میچ لاہور میں کروانے کے لئے بھر پور مدد کرے گی، میچ کو شیڈول کے مطابق یقینی بنایا جائے گا۔
پاک فوج کے ادارہ تعلقا ت عامہ (آئی ایس پی آر ) کے مطابق آرمی چیف کی زیر صدارت کور ہیڈ کوارٹرز لاہور میں سیکیورٹی سے متعلق اجلاس جس دوران انہوں نے خطاب کرتے ہوئے کہا کہ ہم بحیثیت قوم اس غیرانسانی بہیمانہ ذہنیت کو شکست دیں گے، پاک فوج پی ایس ایل فائنل کے لاہور میں انعقاد کے لیے ہر قسم کی مدد دے گی، دہشتگردوں کے ماسٹرز، فنانسرز،منصوبہ سازوں، سہولت کاروں کاخاتمہ کرینگے۔
انہوں نے کہا کہ دہشتگردوں کے سہولت کار اور منصوبہ ساز جہاں ہیں پکڑیں گے،ہر قسم کے دہشتگردوں کے خلاف آپریشن کیا جائے گا۔ دہشت گردوں کے سہولت کاروں اور پناہ دینے والوں کے خلاف ملک گیر کارروائی کا فیصلہ کرلیا گیا۔
#COAS visited Lhr. Ts of all hue/colour, their masters, financiers, planners & abetters incl from outside will be hunted across the country. pic.twitter.com/9uF8OnlWTb
— Maj Gen Asif Ghafoor (@OfficialDGISPR) February 14, 2017
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے لاہور کا دورہ کیا، جہاں ان کی زیر صدارت کور ہیڈ کوارٹرز میں سیکیورٹی معاملات پر اہم اجلاس ہوا۔
کور کمانڈر لاہور لیفٹیننٹ جنرل صادق علی اور انٹیلی جنس ایجنسیوں نے گزشتہ روز لاہور میں دہشت گردی کے واقعے پر بریفنگ دی۔
اجلاس کے دوران آرمی چیف کا کہنا تھا کہ ’ایسے واقعات دہشت گردی کے خلاف ہمارے حوصلوں کو پست نہیں کرسکتے۔‘
"Sacrifice of your son and those of our nation shall not go waste", #COAS. pic.twitter.com/0aobRQWAMY
— Maj Gen Asif Ghafoor (@OfficialDGISPR) February 14, 2017
انہوں نے کہا کہ ’ہر طرح کے دہشت گردوں، ان کے سہولت کاروں، مالی معاونت کرنے والوں اور پناہ دینے والوں کے خلاف سخت اور ملک گیر کارروائی ہوگی، جبکہ دہشت گردوں کے خلاف بلاامتیاز آپریشن جاری رہے گا۔‘
جنرل قمر جاوید باجوہ نے لاہور میں دہشت گردی کے تانے بانے تلاش کرنے پر خفیہ ایجنسیوں کی تعریف کی، جس کے نتیجے میں افغان شہریوں سمیت کچھ مشکوک افراد کو گرفتار کیا گیا۔
انہوں نے دہشت گرد حملے میں ملوث نیٹ ورک کو جلد بے نقاب کرنے کی ہدایت کی۔
"We have to defeat this inhuman brutal mindset and as a nation we shall",#COAS. pic.twitter.com/HmWqgGJar9
— Maj Gen Asif Ghafoor (@OfficialDGISPR) February 14, 2017
آرمی چیف نے دہشت گرد حملے کو پاکستان سپر لیگ (پی ایس ایل) کا لاہور میں ہونے والا فائنل سبوتاژ کرنے کوشش سے جوڑے جانے سے متعلق کہا کہ آرمی ایونٹ کے فائنل کے لیے مکمل سیکیورٹی فراہم کرے گی۔
بعد ازاں جنرل قمر جاوید باجوہ نے خودکش حملے میں جاں بحق ہونے والے ڈی آئی جی ٹریفک کیپٹن ریٹائرڈ احمد مبین کی والدہ سے بھی ملاقات کی۔ ان کا کہنا تھا کہ کیپٹن مبین اور ملک کے لیے جانیں قربان کرنے والے دیگر افراد کا خون رائیگاں نہیں جائے گا۔‘
آرمی چیف نے سروسز ہسپتال میں حملے کے زخمیوں کی عیادت بھی کی۔
