مریم نواز شریف کا کہنا ہے کہ پاکستان میں غیرت کے نام پر قتل کیخلاف قانون سازی ہوگی، بل جلد پارلیمان میں پیش کردیا جائے گا۔
غیر ملکی میڈیا کو انٹرویو کے دوران وزیراعظم نواز شریف کی صاحبزادی مریم نواز شریف نے کہا کہ پاکستان میں غیرت کے نام پر قتل کیخلاف قانون سازی ہوگی، قانون سازی ایک ہفتے میں متوقع ہے۔
انہوں نے مزید بتایا کہ غیرت کے نام پر قتل کیخلاف بل پارلیمان میں جمعرات کو پیش کردیا جائے گا۔
واضح رہے کہ پاکستان میں غیرت کے نام پر خواتین کو قتل کرنا معمول بن گیا ہے، گزشتہ دنوں شوبز سے تعلق رکھنے والی قندیل بلوچ کو ان کے بھائی نے غیرت کے نام پر قتل کردیا تھا۔
