آرمی چیف جنرل قمر جاوید باجوہ نے کوئٹہ گیریژن کا دورہ کیا جہاں انھیں بلوچستان کی سیکیورٹی صورتحال پر بریفنگ دی گئی۔
آرمی چیف نے فوج، ایف سی، پولیس اور انٹیلی جنس اداروں کی کارکردگی کو سراہا اور سیکیورٹی صورتحال بہتر بنانے میں صوبائی انتظامیہ کی کاوشوں کی تعریف کی۔
آرمی چیف نے بلوچستان کی معاشی اور سماجی صورتحال میں بہتری کو بھی سراہا اور کہا کہ بہتری کے نتیجےمیں کئی فراری ہتھیار ڈالنے کیلئے تیار ہیں۔
"Baluchistan is in my prime focus and prosperity of people of Baluchistan at par with other provinces is the main objective" COAS. (2 of 2) pic.twitter.com/0moCJ29KnW
— Maj Gen Asif Ghafoor (@OfficialDGISPR) July 14, 2017
اس موقع پر افسران سے خطاب میں آرمی چیف کا کہنا تھا کہ پاک فوج پاکستان کےعوام کیلئے ہے۔ پاک فوج عوام کی حمایت کیساتھ فرائض سرانجام دیتی رہے گی۔
ان کا کہنا تھا کہ بلوچستان پر میری خاص توجہ مرکوز ہے۔ بلوچستان کو ترقی اور خوشحالی میں دیگر صوبوں کے برابر لانا اولین ترجیح ہے۔