قوت بخش مشروبات (انرجی ڈرنکس) کے حد سے زیادہ استعمال سے ایک شخص برین ہیمرج کا شکار ہوگیا جس کے بعد ڈاکٹرز کو اس کی کھوپڑی کا کچھ حصہ آپریشن کرکے نکالنا پڑا۔
بری آنا نامی خاتون نے سماجی رابطوں کی ویب سائٹ پراپنے شوہر آسٹن کی کہانی بیان کی جسے انرجی ڈرنکس کی لت لگ گئی تھی، وہ کام کے دوران اورسفر کرتے ہوئے تواتر کے ساتھ انرجی ڈرنکس پینے لگا تھا جو بعدازاں دماغ کی بیماری کا سبب بنا اور اسے اپنے سر کے ایک حصے سے محروم ہونا پڑا۔
بری آنا نے انکشاف کیا کہ آسٹن نے جب زیادہ وقت دفتر میں گزارنا شروع کیا تو خود کو چاک و چوبند رکھنے کی غرض سے انرجی ڈرنکس کا استعمال بڑھا دیا اور آہستہ آہستہ اسے اس کی لت لگ گئی۔
انہوں نے مزید بتایا کہ انرجی ڈرنکس کی زیادتی کی وجہ سے آسٹن کو برین ہیمرج ہوا اور ڈاکٹرز نے اس کی زندگی بچانے کے لیے سر کا آپریشن کیا جو 5 گھنٹے تک جاری رہا اور اس دوران ڈاکٹرز کو آسٹن کی کھوپڑی کا کچھ حصہ نکالنا پڑا۔
