دنیا کی بھاری بھرکم خاتون ایمان احمد 37 برس کی عمر میں ابوظہبی میں انتقال کرگئیں۔مصر سے تعلق رکھنے والی ایمان احمد 25 برس سے گھر سے نہیں نکلی تھیں۔
خود سے کھا پی سکتی تھیں نہ ہی چل پھر سکتی تھیں۔ کئی ماہ سے پہلے ممبئی اور پھر متحدہ عرب امارات میں ان کے موٹاپے کا علاج چل رہا تھا۔
ڈاکٹرز ان کا وزن 500 کلوگرام سے 324 کلوگرام تک لانے میں کامیاب بھی ہوگئے تھے اور اس امید کا اظہار کیا جارہا تھا کہ جلد ہی ایمان احمد اس بیماری کو شکست دے دیں گی۔
لیکن آج دل کی بیماری اور گردے کے فیل ہوجانے کے باعث ان کا انتقال ہوگیا ہے۔
